Xanlar Hesimzade - Wikipedia - Ureyim.az

Xanlar Həşimzadə 9 fevral 1955-ci ildə Nuxa şəhərində (indiki Şəki) anadan olmuşdur. X.Haşımzadə 1975-ci ildən S.Rəhman adına Şəki Dövlət Dram Teatrında çalışır. Hal-hazırda teatrın aparıcı səhnə ustasıdır. 200-ə yaxın tamaşalarda müxtəlif səpgili obrazlar yaratmışdır. Oynadığı həm dramatik, həm də komik obrazlar nəinki Respublikamızda, hətta Kubada, Praqada, Moskvada, Kazanda, Tiflisdə, Yoşkar-Olada, Daşkənddə və Səmərqənddə də yüksək qiymətləndirilmişdir. İki dəfə "Qızıl Dərviş" mükafatı ilə təltif edilmişdir. X.Həşimzadə V.Şekspirin "Kral Lir" əsərində Fransız Kralı, Ə.Əylisli "Quşu uçan budaqlar" əsərində Mehdi Qulu, M.F.Axundovun "Hacı Qara" əsərində Hacı Qara, C.Məmmədquluzadənin "Dəli yığıncağı" əsərində Molla Abbas, H.Cavidin "İblis" əsərində İxtiyar, R.Stoyanovun "Ustalar" əsərində Qenco, B.Stratiyevin "Avtobus əsərində Məsuliyyətsiz, M.Bulqakovun "Usta və Marqarita" əsərində Pontiy Pilat, X.Eçeqarayın "Mahir aradüzəldənlər" əsərində Severo, S.Mrojekin "Xoşbəxt hadisə" əsərində Gəlmə Adam, E.De.Filipponun "Ruhlar" əsərində Paskyale Loyyokolo və bir çox əsərdə əsas rolların uğurlu ifaçısı olmuşdur. Oynadığı obrazları ilə tamaşaçıların məhəbbətini qazanmış Xanlar Həşimzadə günü-gündən öz ustalığını artırır.

• Prezident mükafatı — 30 aprel 2014^[1], 6 may 2015^[2], 6 may 2016^[3], 1 may 2017^[4], 9 may 2018^[5], 7 may 2020^[6], 7 may 2021^[7], 10 may 2022^[8], 6 may 2023^[9]
• Azərbaycan Respublikasının əməkdar artisti — 30 dekabr 2015^[10]
• Azərbaycan Respublikası Prezidentinin fərdi təqaüdü — 9 may 2024^[11]

1. 1930-cu il Şəki üsyanı (film)
2. Həm ziyarət, həm ticarət... (film, 1995)
3. Odla qol-boyun (film, 2002)
4. Şəki teatrında (film, 2006)
5. Kəndim+nizə qayıdın!? (film, 2007)
6. Bir ovuc torpaq (film, 2009)
7. Komediya səhnəsi (veriliş, 2009)
8. Yaddaş (film, 2010)
9. Fədakar (film, 2015)
10. Qırmızı bağ (film, 2016)
11. Oğlan evi 2 (film, 2016)
12. Bir zamanlar Şəkidə (film, 2017) (ing. The Game) (rol: Professor)^[12]

• Şəki kino lentində