 |
 |
Ureyim.az |  |
 |
Yaponiya Elm Şurası(日本学術会議) — müxtəlif elm sahələrində, o cümlədən humanitar, sosial elmlər, həyat elmləri, təbiət elmləri və texnologiya sahələrində tədqiqat aparan yapon alimlərinin təmsilçi təşkilatı. Şuranın baş ofisi Tokionun Minato bölgəsində yerləşir.[1]
| Yaponiya Elm Şurası | |
|---|---|
| 日本学術会議 | |
 | |
| Ümumi məlumatlar | |
| Ölkə | |
| Yaradılıb | 20 yanvar 1949 |
| Sayt | scj.go.jp |
 Vikianbarda əlaqəli mediafayllar | |
Yaponiya Elm Şurasının alimləri və tətqiqatçıları Yaponiya hökuməti tərəfindən təsdiqlənib. Rəsmi olaraq 1949-cu ildə müstəqil elmi qanunverici orqan kimi fəaliyyət göstərmək üçün yaradılmışdır.[2] Təşkilatı əsası ABŞ Milli Elmlər Akademiyasının modelidir.[3]
Şuranın təşkilatı strukturuna Ümumi yığıncaq, İcraiyyə şurası, üç ixtisaslaşdırılmış bölmə (humanitar və sosial elmləri, həyat elmləri, fizika elmləri və mühəndislik), 30 tematik komitə, beş inzibati komitə və bir sıra xüsusi komitələr daxildir.
Yaponiya Elm Şurası əvvəllər Lehigh Universitetində (Pensilvaniya) fizika professoru olmuş Harri Kelli tərəfindən təsis edilmişdir.[4] Kelly əvvəlcə Yaponiya Elm Əlaqələri Assosiasiyası adlı özəl bir şura təşkil etdi. Sonra bu təşkilat Elmi Tədqiqatların Yenidən Başlanması və Hazırlığı komitəsi olaraq yenidən quruldu. Sonuncu 1949-cu ildə Yaponiyanın Elm Şurası adlandırıldı və Yaponiya hökuməti yanında “xüsusi təşkilat” kimi fəaliyyətə başladı.[5]
Yanvarın 20-də ilk ümumi yığıncaqdan sonra Yaponiya Elm Şurasının rəsmi açılışı oldu.[6]
2015-ci ilin iyun ayında Yaponiyanın Təhsil, Mədəniyyət, İdman, Elm və Texnologiya Nazirliyi bütün milli universitetlərdə humanitar və sosial elmlərin ləğvi və ya azaldılması barədə göstəriş vermişdir.[7] Yaponiya Elm şurası bu sərəncama qarşı çıxdı. Şuranın icra heyətinin qərarını təmsil edən prezident Onişi iyulun 23-də mətbuat konfransı keçirərək rəsmi qərarı pisləyib. O, şuranın bu fənlərin ləğv edilməsinin "Yaponiyada ali təhsilin öz genişliyini və dərinliyini itirməsi ilə nəticələnə biləcəyinə" inandığını ifadə etdi.[8]
Yaponiyanın Elm Şurası Yaponiyanın yüksək səviyyəli radioaktiv tullantıları ilə bağlı siyasətin hazırlanması üçün məsləhətçi orqandır.[9]
 |
 |
UREYIM.AZ |  |
 |
|
