Yusuf Memmedeliyev - Wikipedia - Ureyim.az

Bu məqalənin ensiklopedik tələblərə cavab vermədiyinə dair şübhələr var.

Lütfən, ensiklopedikliyi təsdiq etmək üçün məqalənin mövzusuna uyğun tərəfsiz, etibarlı mənbələr əlavə edin. Əgər belə mənbələr göstərilməzsə, məqalə birləşdirilə, köçürülə, yönləndirilə və ya silinə bilər. (iyun 2025)

Bu məqalə və ya bölmə başqa bir yerdən copypaste edilib və bu, müəllif hüquqları prinsipinə ziddir.

Mətnin yazı üslubunu dəyişərək layihəyə kömək edə bilərsiniz.

Bu məqalə birinci vitse-prezidentin köməkçisi haqqındadır. Kimyaçı alim üçün Yusif Məmmədəliyev səhifəsinə baxın.

Yusuf Məmmədəliyev (23 yanvar 1979, Bakı) — Prezident Administrasiyası Gənclər siyasəti və idman məsələləri şöbəsinin müdiri, Birinci vitse-prezidentin köməkçisi.^[1]

Yusuf Məmmədəliyev
Şəxsi məlumatlar
Doğum tarixi	23 yanvar 1979(1979-01-23) (46 yaş)
Doğum yeri	Bakı, Azərbaycan SSR, SSRİ
Təhsili	Azərbaycan Respublikasının Prezidenti yanında Dövlət İdarəçilik Akademiyası

Həyatı

redaktə

Yusuf Məmmədəliyev — 1979-cu il 23 yanvar tarixində Bakı şəhərində anadan olub.

Fəaliyyətləri

redaktə

1995-ci ildə Səbail rayon 134 nömrəli orta məktəbi bitirdikdən sonra Bakı Sosial İdarəetmə və Politologiya İnstitutunun Dövlət və Bələdiyyə idarəetməsi fakültəsinə qəbul olunub. 1999-cu ildə qeyd olunan institutda bakalavr dərəcəsini aldıqdan sonra Azərbaycan Respublikasının Prezidenti yanında Dövlət İdarəçilik Akademiyasında təhsilini davam etdirib. 2001-ci ildə Akademiyanın İnzibati idarəetmə fakültəsini Dövlət və bələdiyyə idarəetmə ixtisası üzrə fərqlənmə diplomu ilə bitirərək magistr dərəcəsi alıb.
1997-ci ildə 18 yaşlı Y. Məmmədəliyev Xarici İşlər Nazirliyində diplomatik karyerasına başlayıb, 1997–2002-ci illər ərzində nazirliyin Beynəlxalq Təşkilatlar İdarəsində referent və attaşe vəzifələrində çalışıb.
2002–2005-ci illərdə Azərbaycan Respublikasının BMT yanında Daimi Nümayəndəliyində attaşe kimi fəaliyyət göstərib.
2003-cü ildə Azərbaycan Respublikası Prezident seçkilərində Leyla Əliyevanın rəhbərliyi ilə "İlhamla İrəli" şüarı altında gənclərin təşəbbüs qrupunun tərkibində İlham Əliyevin seçkiqabağı kampaniyasında iştirak edib.
2005–2009-cu illərdə Azərbaycan Respublikası Xarici İşlər Nazirliyinin Təhlükəsizlik Problemləri İdarəsində ikinci və daha sonra birinci katib vəzifələrində çalışıb.
2009–2011-ci illərdə Madrid şəhərində Azərbaycan Respublikasının İspaniya Krallığındakı Səfirliyində birinci katib və müşavir vəzifələrində fəaliyyət göstərib.
2011–2013-cü illərdə ABŞ-nin Nyu-York şəhərində yerləşən Azərbaycan Respublikasının BMT yanında Daimi Nümayəndəliyində müşavir və daha sonra Daimi Nümayəndənin müavini vəzifələrində çalışıb. 2011-ci il 14 noyabr tarixində Azərbaycanın 2012–2013-cü illər üçün BMT Təhlükəsizlik Şurasının qeyri-daimi üzvü seçilməsi prosesində fəaliyyətinə görə birinci dərəcəli birinci katib diplomatik rütbəsini almışdır.
2013-cü il 1 may — 30 dekabr tarixlərində Azərbaycan Respublikası Xarici İşlər Nazirliyində idarə rəisi vəzifəsində çalışmış, ona birinci dərəcəli müşavir diplomatik rütbəsi verilib.
2014-cü il yanvar ayından etibarən Heydər Əliyev Fondunda ekspert qismində və İDEA İctimai Birliyinin icraçı direktoru vəzifələrində iş fəaliyyətini davam etdirib.
İngilis, ispan, rus və türk xarici dillərini bilir.^[2]
2017-ci il 1 iyun tarixində Prezident Administrasiyası Gənclər siyasəti və idman məsələləri şöbəsinin müdiri təyin edilmişdir.

Həmçinin bax

redaktə

Yusif Məmmədəliyev (babası)

Xarici keçidlər

redaktə

İstinadlar

redaktə

↑ "Arxivlənmiş surət". 2021-12-23 tarixində arxivləşdirilib. İstifadə tarixi: 2021-11-30.
↑ "Birinci vitse-prezidentə köməkçi təyin edilən Yusif Məmmədəliyev kimdir?". 2021-01-21 tarixində arxivləşdirilib. İstifadə tarixi: 2017-06-06.

Mənbə — "https://az.wikipedia.org/wiki/?q=Yusuf_Məmmədəliyev&oldid=8162590"