Zenzibar - Wikipedia - Ureyim.az

Ana Səhifə - Zenzibar

Zənzibar və ya Zangibar — Afrikanın şərqində, iki adadan ibarət və Tanzaniya dövlətinə bağlı muxtar bölgə.

Zənzibar

ing. Zanzibar

Bayraq^[d]

Himn: "Mungu ametubarikia"

Rəsmi dilləri

Paytaxt

Stoun Taun

İdarəetmə forması

federativ respublika

Sahəsi

• Ümumi

2.461 km²

Əhalisi

• Əhali

1.303.569 nəfər

Saat qurşaqları

Şərqi Afrika Vaxtı^[d]

Vikianbarda əlaqəli mediafayllar

Zənzibar əsas ada olan Zangibar adasından və Pemba adasından ibarətdir. Paytaxtı Stoun Taun şəhəridir. İqtisadiyyatı ədviyyata və turizmə əsaslanır. Zənzibar əsil adı Forrux Bulsara olan və "Queen" rok qrupunun solisti olan Freddi Merkurinin doğum yeridir. Merkuri Stoun Taunda anadan olmuşdur.

Zənzibar dünyanın ən tanınmış ədviyyat ixracatçılarından biridir.

Tarixi

redaktə

Zənzibar Şirazdan qaçıb gəlmiş iranlı köçkünlər tərəfindən yaradılmışdır. Fars dilində "Zangi bar"– "zəncilər sahili" deməkdir. 1503–1698-ci ildə Zənzibar Portuqaliyanın hakimiyyətində qalmışdır. 1698-ci ildə Oman sultanlığının əlinə keçmişdir.

1840-cı ildə Oman sultanı Seyid Said ibn Sultan Əl-Busaid sultanlığın paytaxtını Məsqətdən adadakı Ston Tauna köçürmüşdür. 1856-cı ildə ölümündən sonra oğulları hakimiyyət uğrunda savaşa çıxmış və 6 aprel 1861-ci ildə sultanlıq Oman və Zənzibar olmaqla iki yerə ayrılmışdır. 6-cı oğlu Məcid ibn Sultan Ə-Busaid (1834–1870) Zənzibar sultanı, 3-cü oğlu Seyid Tuvaini ibn Said Əl-Said Oman sultanı olmuşdur.

Zənzibar 1890–1963-cü illərdə Böyük Britaniya tərəfindən təyin olunan vəzirlərlə yarı-müstəqil idarə olunmuşdur. 19 dekabr 1963-cü ildə müstəqil sultanlıq olmuşdur. Amma tezliklə 12 yanvar 1964-cü ildə hökumət devrilmiş və 26 aprel 1964-cü ildə Tanzaniyaya birləşmişdir.

İdarəetmə

redaktə

Zənzibarın 50 yerli və hər 5 ildən bir yenilənən milli məclisi vardır.

Turizm

redaktə

Zənzibarda, xüsusilə də onun mərkəzi olan Stoun Taunda hər gün "ədviyyat turları" təşkil edilir^[1]. Vaxtı ilə bu ada dünyanın yarısını ədviyyatla təmin edirdi^[1].