 |
 |
Ureyim.az |  |
 |
Andrey Nikolaidis (serb. Andrej Nikolaidis; 1974[1][2][…], Sarayevo) — Monteneqro yazıçısı, romançısı, jurnalisti. Onun "Oğul" romanı 2011-ci ildə Avropa İttifaqının "Ədəbiyyat" mükafatını qazanmışdır.[3] Romanın ingilis dilinə tərcüməsi 2013-cü ildə Birləşmiş Krallıqda nəşr edilmişdir.
| Andrey Nikolaidis | |
|---|---|
| Doğum tarixi | 1974[1][2][…] |
| Doğum yeri | |
| Fəaliyyəti | jurnalist, yazıçı, publisist |
2009-cu ilin oktyabrından 2014-cü ilin fevralına qədər Andrey Nikolaidis Monteneqro Məclisinin sədri Ranko Krivokapiçin müşaviri olmuşdur.
1974-cü ildə Sarayevoda monteneqrolu-yunan qarışıq ailəsində anadan olmuşdur. 1992-ci ildə Bosniya və Herseqovinada müharibə başlayandan sonra Nikolaidis ailəsi atasının köhnə evinin olduğu Monteneqronun Ultsin şəhərinə köçmüşdür. Andrey Nikolaidis Monteneqronun müstəqilliyinin tərəfdarı və müharibə əleyhinə fəal olmuşdur.[4]
O, yerli televiziyalarda tez-tez çıxış edib və kəskin siyasi şərhlərlə qəzetlərdə məqalələr yazmışdır. Monteneqronun "Vesti", "Monitor" qəzetlərində, Bosniya və Herseqovinanın "Slobodna Bosna" qəzetində köşə yazarı olmuşdur. Onun baxışları mübahisələrə səbəb olmuş və dəfələrlə təhdidlər almışdır. "Antena M" radiosunun tok-şousu zamanı bir dinləyici efirdə Nikolaidisi öldürəcəyini bəyan etmişdir.[4]
15 oktyabr 2009-cu ildə Nikolaidis Monteneqro Məclisinin sədri Ranko Krivokapiçin müşaviri vəzifəsinə təyin edildiyi elan edilmişdir.[4]
Monteneqro və Xorvatiyada dörd roman nəşr etdirmişdir. Onlar "Mimesis" (2003), "Oğul" (2006), "Gəliş" (2009) və "Padşahlığın gəlişinə qədər" (2012), həmçinin "Sietldə kafedral", "Dəliliyin qısa tarixi" hekayələr toplusu və "Apokalipsis poetikası" adlı mədəniyyət nəzəriyyəsi kitabıdır.[4]
2012-ci ildə Birləşmiş Krallıqda onun iki romanı ("Gəliş" və "Oğul") nəşr edilmişdir. 2014-cü ildə "Gəliş" kitabının alman dilində nəşri buraxılmışdır.[4]
Onun ilk məşhur romanı "Mimesis" Xorvatiyada, Bosniyada və Monteneqronun liberal ziyalıları arasında çox yaxşı qarşılanmışdır. Monteneqronun müstəqilliyi haqqında qəzetlərdə məqalələr yazmışdır.[4]
 |
 |
UREYIM.AZ |  |
 |
|