 |
 |
Ureyim.az |  |
 |
Artur Sergeyeviç Felfner (ukr. Артур Сергійович Фельфнер; 17 oktyabr 2003, Konotop, Sumı vilayəti) — ukraynalı yüngül atlet (nizə atma). 2024-cü ildə Parisdə keçirilən Olimpiya Oyunlarının iştirakçısı.
| Artur Felfner | |||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| ukr. Артур Сергійович Фельфнер | |||||||||||||||||||||||
 | |||||||||||||||||||||||
| Şəxsi məlumatlar | |||||||||||||||||||||||
| Vətəndaşlığı |
 Ukrayna |
||||||||||||||||||||||
| Milliyəti | ukraynalı | ||||||||||||||||||||||
| Doğum tarixi | 17 oktyabr 2003 (21 yaş) | ||||||||||||||||||||||
| Doğum yeri | |||||||||||||||||||||||
| İdman növü | yüngül atletika (nizə atma) | ||||||||||||||||||||||
| Məşqçisi | Vyaçeslav Rımko | ||||||||||||||||||||||
|
Medallar
|
|||||||||||||||||||||||
 Vikianbarda əlaqəli mediafayllar | |||||||||||||||||||||||
Artur, Sergey və Daryanın ailəsində Konotopda anadan olub. Daha sonra, ailə Baxmaça köçdü. Onun, Nazar və Matvey adlı iki kiçik qardaşı da var. Babası və nənəsi Baturində yaşayır.[1]
Artur, atasının məşqçi işlədiyi Mamiaşvili adına Konotop Uşaq-Gənclər İdman Məktəbində yüngül atletika ilə məşğul olmağa başlayıb. O, Brovari Ali Bədən Tərbiyəsi Məktəbini bitirib.[1] Baş məşqçisi Vyaçeslav Rımko olub.[2]
2018-ci ildə Dneprdə keçirilən gənclər arasında Ukrayna çempionatında o, 700 qram çəkidə, 62,63 metrə nizə atmaqda şəxsi rekordunu qırdı və turnirdə qızıl medal qazandı.[3] Felfner 2019-cu ildə Bakıda keçirilən Avropa Gənclər Yay Olimpiya Festivalında Ukraynanı təmsil edərək, 73,16 metr məsafəyə nizə atmaqla bürünc medal qazandı.[4]
Ukraynalı idmançı 2021-ci ildə Tallində keçirilən yeniyetmələr arasında Avropa çempionatında, 78,41 metr məsafəyə nizə ataraq qızıl medal qazandı.[5] Daha sonra o, Nayrobidə (Keniya) keçirilən yeniyetmələr arasında Dünya çempionatında, finlandiyalı Janne Lyaspaya 14 santimetr məsafəni uduzaraq gümüş medal qazandı. 2021-ci ilin nəticələrinə əsasən, o, Ukrayna Atletika Federasiyasının "Yüksələn ulduz" mükafatına layiq görülüb.[6]
2022-ci ilin mayında Offenburqda keçirilən yarışda, 83,28 metr məsafəyə nizə tullamaqla, turnirin dördüncüsü olsa da, Ukraynada gənclər arasında rekord nəticə oldu.[7] İyul ayında o, Şomorində keçirilən yarışda, 84,32 metrə nizə tullamaqla nəticəsini yenilədi.[8]
Elə həmin il Felfner Kolumbiyada keçirilən gənclər arasında Dünya çempionatında 79,36 metr nəticə ilə qalib oldu. [9]
2022-ci ilin avqustunda isə, Münhendə keçirilən Avropa çempionatında böyüklər səviyyəsində debüt etdi və finala yüksəldi.[10] 2023-cü ilin martında Leyridə keçirilən Avropa kubokunda 80,09 metr nəticə ilə qızıl medal qazandı.[11]
2023-cü ildə Artur Felfner Avropa Oyunlarında bürünc medal,[12] Ukrayna çempionatında və gənclər arasında Avropa çempionatında qızıl medal qazandı[13] və Dünya çempionatında təsnifat mərhələsində 32-ci nəticəni göstərdi.[14]
O, 2024-cü ilə avrokuboklarda yarışa, 81,89 metr nəticə qələbə ilə başlayıb.[15] Offenburqda keçirilən Hylo Javelin Meeting 2024 yarışında isə, 83,95 metr nəticə göstərib.[16] 2024-cü ildə Romada keçirilən Avropa çempionatında o, yarışda səkkizinci (81,38 metr) olmaqla finala yüksələ bilib.[17] 2024-cü ilin iyununda Lvovda keçirilən Ukrayna çempionatında o, karyerasında ikinci dəfə qızıl medal qazanıb.[18] İyul ayında Parisdə keçirilən Diamond Liqasında (80,48 metr, beşinci yer) yarışıb.[19]
Dünya reytinqindəki mövqeyi sayəsində, 2024-cü ildə Parisdə keçirilən Olimpiya Oyunlarında iştirak edib.[20]
 |
 |
UREYIM.AZ |  |
 |
|