Cercobodanidae - Wikipedia - Ureyim.az

Bədən forması dəyişkəndir. İki qamçısı var. Biri qabağa, o biri arxaya yönəlib. Nüvəsi birdir, bədəninin ön hissəsində yerləşir. Bazal cisimlərlə nüvə arasında fibrillyar konusun olması səciyyəvidir. Sista əmələ gətirir. Çoxalması qeyri-cinsi yolla gedir. Çox vaxt şaxələnən psevdopodiyalar əmələ gətirir. Psevdopodiyaların köməyilə qidalanır. Yığılıb-açılan vakuolu bir, nadir hallarda bir neçə olur.^[1]

• Azərbaycanda Cercobodo agilis Lemm., C.bodo Lemmer, C.crassicauda Lemm., C.radiatus Lemm. növləri Şirvan çölünün boz, Lənkəran təbii vilayətinin sarı, Dağlıq Qarabağın şabalıdı torpaqlarında; C. Longicauda Senn., Cercobodo sp. növləri isə Lənkəran təbii vilayətininin sarı torpaqlarında tapılmışdır.

1. Azərbaycanın heyvanlar aləmi. I cild. Bakı, Elm, 2002, 268 s.