 |
 |
Ureyim.az |  |
 |
Con Eduard Masker (ing. John Edward Musker; 8 noyabr 1953[1][2][…], Çikaqo, İllinoys[2]) — Amerikalı animator, film rejissoru, ssenarist və film prodüseri.
| Con Masker | |
|---|---|
 | |
| Doğum tarixi | 8 noyabr 1953[1][2][…] (71 yaş) |
| Doğum yeri | |
| Təhsili |
|
| Fəaliyyəti | kinorejissor, ssenarist, film prodüseri, rejissor |
| Fəaliyyət illəri | 1978-ci ildən |
 Vikianbarda əlaqəli mediafayllar | |
Masker ABŞ-ın İllinoys ştatının Çikaqo şəhərində, irland bir katolik ailəsində səkkiz uşağın ikincisi[3][4] olaraq dünyaya gəlib. Onun atası Robert C. Masker 40 ildən artıq müddətdə "Illinois Bell Telepho" şirkətində çalışıb və 2008-ci ildə 84 yaşında vəfat edib.[4] Anası Coan T. Masker (ata soyadı Lalli) isə 2011-ci ildə 81 yaşında dünyasını dəyişib.[3]
Masker İllinoysda yerləşən Loyola Akademiyasında təhsil alıb, daha sonra Şimal-Qərb Universitetinin (Northwestern University) Vaynberq İncəsənət və Elm Kollecini bitirib.[5] Orada ingilis dili üzrə ixtisaslaşaraq universitetin qəzetində – "Daily Northwestern"də (Gündəlik Şimal-Qərb) karikaturalar çəkib.[6] Sonra o, Kaliforniya İncəsənət İnstitutunda (California Institute of the Arts — CALARTS) İncəsənət üzrə magistr dərəcəsi alıb. Burada o, məşhur Disney animatoru, Piter Pen (1953), Xanım və Avara (Lady and the Tramp, 1955) və "Zadəgan pişiklər" (The Aristocats, 1970) kimi cizgi filmlərinin nəzarətçi animatoru olan Frank Tomasın yanında iki illik təcrübə keçib.
Masker 1981-ci ildə "Tülkü və Ov iti" (The Fox and the Hound) cizgi filmində çalışarkən Ron Klements ilə tanış olub. Burada o, Klements və Kliff Nordberqin rəhbərliyi altında obraz animatoru kimi işləyib. Masker və Klements daha sonra "Qara Qazan" (The Black Cauldron) filmində hekayə sənətçiləri kimi birlikdə çalışıb, lakin layihədən uzaqlaşdırılıblar.[7]
Klementsin Eve Titusun "Baker küçəsinin Basili" adlı uşaq kitab seriyasının animasiya film adaptasiyası üçün təklifi qəbul edildikdən sonra, Masker və digər hekayə sənətçisi Barni Mettinson (Burny Mattinson) ilkin rejissorlar olaraq təyin edilib. Lakin istehsal müddətinin qısaldılması və ssenarinin bir neçə dəfə yenidən yazılması nəticəsində, Roy E. Disney Mettinsonu həm rejissor, həm də prodüser kimi təyin edib, Ron Klements isə əlavə rejissor kimi layihəyə cəlb olunub.[8]
"Böyük Siçan Detektivi" cizgi filmi üzərində işləyərkən, yeni təyin olunmuş "Disney"in baş icraçı direktoru Maykl Aysner (Michael Eisner) və sədri Cefri Katzenberq (Jeffrey Katzenberg) animasiya heyəti üçün ilk dəfə "qonq şousu" adlı fikir sessiyası təşkil etdilər. Burada yalnız beş yeni ideya tələb olunurdu. Klements Hans Kristian Andersenin "Kiçik su pərisi" nağılının adaptasiyasını və "Xəzinə Adası kosmosda" adlı futuristik bir ideya təklif etdi. Hər iki təklif əvvəlcə Katzenberq və Aysner tərəfindən rədd edildi. Lakin ertəsi səhər Katzenberq Klementsə yaxınlaşaraq ilkin ideyasını genişləndirməsini istəyir.[9][10]
 |
 |
UREYIM.AZ |  |
 |
|