 |
 |
Ureyim.az |  |
 |
Daniel Georq Ek (isv. Daniel Georg Ek; 21 fevral 1983[2][3][…]) — İsveçli iş adamı və texnoloq. Ek İsveç audio axını və media xidmətləri təminatçısı "Spotify"nin həmtəsisçisi və baş icraçı direktorudur. 2024-cü ilin may ayına olan məlumata görə, onun sərvəti Forbes tərəfindən 4,8 milyard dollar olaraq qiymətləndirilib.
| Daniel Ek | |
|---|---|
| isv. Daniel Georg Ek[1] | |
 | |
| Doğum tarixi | 21 fevral 1983[2][3][…] (42 yaş) |
| Doğum yeri | Stokholm |
| Vətəndaşlığı |
 İsveç |
| Uşağı | 2 |
| Milliyyəti | isveç |
| Dini | xristianlıq |
| İxtisası | mühəndis |
| Təhsili | Kral Texnologiya Universiteti |
| Fəaliyyəti | sahibkar, menecer, informatik |
 |
|
 Vikianbarda əlaqəli mediafayllar | |
Daniel Ek 21 fevral 1983-cü ildə Stokholmun Ragsved adlı bölgəsində anadan olub və böyüyüb. O, 2002-ci ildə orta məktəbi bitirib və sonra Kral Texnologiya Universitetidə mühəndislik təhsili alıb. Bir müddət sonra isə o, bütün diqqətini İT karyerasına yönəltmək üçün təhsilini yarımçıq qoyub.[4][5]
Daniel Ek 2006-cı ildən auksion şirkəti "Tradera"da baş rola sahib olmağa başlayıb. O, həmçinin brauzerə əsaslanan oyun və moda icması "Stardoll"un texniki direktoru idi və daha sonra onlayn reklam şirkəti olan "Advertigo"da işə başlayıb. "Advertigo" 2006-cı ildə "TradeDoubler"ə satılıb, bundan sonra Ek qısa müddət ərzində "μTorrent"in direktoru olub və "μTorrent" 2006-cı ilin dekabrında "BitTorrent"ə satılana qədər "μTorrent"in qurucusu Ludvig Strigeus ilə birgə işləyib.[6][7]
Ek 2008-ci ilin oktyabr ayında "Spotify" qanuni musiqi axını xidmətini işə saldı. Əvvəlcə, Spotify "peer-to-peer" paylama modelində işləyirdi, lakin 2014-cü ildə server-müştəri modelinə keçdi. 2019-cu ilin aprel ayına olan məlumata görə, "Spotify"ın 217 milyon aktiv istifadəçisi var və 2017-ci ilin iyun ayına olan məlumata görə, vençur maliyyələşdirməsi üçün 2,5 milyard dollardan çox vəsait toplayıb.[8]
2017-ci ildə Ek "Billboard" tərəfindən musiqi sənayesinin ən güclü insanı seçilib.[9]
2016-cı ildə Ek Sofiya Levanderlə nigaha daxil olub. Hazırda 2 qızı var.[10]
Ek "Arsenal FK" çılğın azarkeşidir və o hətta klub satışa çıxarılarsa, futbol klubunu almaqda maraqlı olduğunu bildirib.[11] 2021-ci ilin may ayında Ek, klubu təxminən 1,8 milyard funt-sterlinqə almağı təklifi edib, lakin bu təklif klubun sahibləri tərəfindən rədd edilib.[12][13]
.jpg)
 |
 |
UREYIM.AZ |  |
 |
|