. Ureyim.az

David Bakradze - Wikipedia - Ureyim.az

Ana Səhifə - David Bakradze

David Şukri oğlu Bakradze (gürc. დავით შუქრის ძე ბაქრაძე; 1 iyul 1972, Tbilisi) — Gürcüstanın dövlət xadimi və siyasətçisi.

David Bakradze
gürc. დავით ბაქრაძე
Gürcüstan Parlamentinin deputatı
Vəzifədədir
7 iyun 2008-ci ildən
22 aprel 2004 – 7 sentyabr 2007
Avropa Şurası Parlament Assambleyasının nümayəndəsi
Vəzifədədir
30 noyabr 2012-ci ildən
Gürcüstan Parlamentinin sədri
7 iyun 2008 – 21 oktyabr 2012
ƏvvəlkiNino Burcanadze
SonrakıDavid Usupaşvili
Avropa Şurası Parlament Assambleyasının əvəzedici üzvü
22 yanvar – 1 oktyabr 2007
Şəxsi məlumatlar
Doğum adı დავით ბაქრაძე
Doğum tarixi 1 iyul 1972 (52 yaş)
Doğum yeri
  • Tbilisi, Gürcüstan SSR, SSRİ
Partiya
  • Vahid Milli Hərəkat (Gürcüstan)
Təhsili
  • Tbilisi Dövlət Universiteti,
  • Gürcüstan Texniki Universiteti
Fəaliyyəti diplomat, siyasətçi
Dini Gürcü Ortodoks Kilsəsi
Elmi fəaliyyəti
Elmi dərəcəsi
  • fizika-riyaziyyat elmləri namizədi[d]

Təltifləri "Xidmətlərə görə" ordeni komandoru (Polşa)
İmzanın şəkli
Vikianbarın loqosu Vikianbarda əlaqəli mediafayllar

Həyatı

redaktə

1 iyul 1972–ci ildə Gürcüstanın Tbilisi şəhərində anadan olmuşdur.[1]

1994–cü ildə Gürcüstan Texniki Universitetini fərqlənmə ilə bitirmişdir.[1] Həmin il Texniki Universitetin “Radiofizikanın nəzəri əsasları” ixitisası üzrə aspiranturasına daxil olmuşdur.[1]

1995–1996–cı illərdə Gürcüstan – ABŞ Dövlət idarəçiliyi İnstitunda təhsil almışdır.[1]

1997–2000–ci illərdə Gürcüstanın Xarici İşlər Nazirliyində tərk-silah etmə və silahlandırmaya nəzarət idarəsinin rəis müavini, rəisi olmuşdur.[1]

2000–2002–ci illərdə Gürcüstan Xarici İşlər Nazirliyinin hərbi-siyasi departamentinin rəisinin müavini oldu.[1]

2002–2003–cü illərdə Gürcüstanın Milli Təhlükəsizlik Şurasının apparatın rəhbərinin təhlükəsizlik məsələləri üzrə xidmətinin rəisi oldu.[1]

2003–2004–cü illərdə Gürcüstanın Milli Təhlükəsizlik Şurasının apparıtında xarici-siyasi təhlükəsizlik və konfliktlər departamentinin rəisi oldu.[1]

2004–cü ildə Milli Təhlükəsizlik Şurasının apparatının siyasi təhlükəsizlik departamentinin rəisi, iyun 2004–cü ildən Gürcüstan Prezidentinin milli təhlükəsizlik məsələləri üzrə köməkçisi və Gürcüstanın Milli Təhlükəsizlik Şurasının katibi vəzifəsinə təyin edildi.[1]

2004–2007–ci illərdə Gürcüstan Parlamentinin üzvü, Parlamentdə Avropaya inteqrasiya komitəsinin sədri, iyul 2007–ci ildən Gürcüstanın konfliktli məsələlərin həlli üzrə Dövlət Naziri vəzifəsinə təyin edilmişdi.[1]

24 yanvar 2008–ci ildən 5 may 2008–ci ilədək Gürcüstanın Xarici İşlər Naziri, 7 iyun 2008–ci ildən 21 oktyabr 2012–ci ilədək Gürcüstan Parlamentinin sədri olmuşdur.

Rus və ingilis dillərini bilir.[1] Evlidir, iki övladı var.[1]

İstinadlar

redaktə
  1. ↑ 1 2 3 4 5 6 7 8 9 10 11 12 Azərbaycan Respublikası Xarici İşlər Nazirliyi: Gürcüstan (qısa icmal) — 6. Tərcümeyi – hallar Arxivləşdirilib 2015-07-07 at the Wayback Machine — Yoxlanılıb: 22.02.2015

Xarici keçidlər

redaktə
  • David Bakradzenin rəsmi səhifəsi — Facebookda
Mənbə — "https://az.wikipedia.org/wiki/?q=David_Bakradze&oldid=7684516"
UREYIM.AZ