 |
 |
Ureyim.az |  |
 |
Didivar — Naxçıvan Muxtar Respublikasının Babək rayonunun Didivar kənd inzibati ərazi dairəsində kənd.[1] 30 sentyabr 2003-cü il tarixli 500-IIQ saylı Azərbaycan Respublikasının Qanunu ilə Naxçıvan Muxtar Respublikasının Babək rayonunun Didivar kəndi Şıxmahmud kənd inzibati ərazi dairəsi tərkibindən ayrılaraq, bu kənd mərkəz olmaqla, Didivar kənd inzibati ərazi dairəsi yaradılmışdır.[2]
| Didivar | |
|---|---|
| 39°18′18″ şm. e. 45°26′02″ ş. u.HGYO | |
| Ölkə | |
| Tarixi və coğrafiyası | |
| Mərkəzin hündürlüyü | 981 m |
| Saat qurşağı | |
  Didivar | |
Kəndin adı XVIII əsrin əvvəllərində Didəbad variantında qeydə alınmışdır. Tədqiqatçıların bir qismi belə hesab edir ki, oykonim qədim İran dillərindəki didi (qala) və var (möhkəmləndirilmiş kənd, şəhər, yurd, məskən) sözlərindən ibarət olub, "qala kənd" mənasındadır. Bəzi tədqiqatçılar isə oykonimi fars dilindəki didi (görüş, görüşmə) və var (yer, yurd, məskən) komponentlərinin birləşməsi kimi "iki çayın görüşdüyü yerdə kənd" mənasında izah edirlər.[3]
Didivar kəndində aşağıdakı daşınmaz tarix və mədəniyyət abidələri qeydə alınmışdır:
| İnventar № | Abidənin adı | Tarixi | Yerləşdiyi ünvan | Növü | Əhəmiyyət dərəcəsi |
|---|---|---|---|---|---|
| 1844 | Didivar yaşayış yeri[4] | e.ə. II–I minilliklər | Didivar kəndi | Arxeoloji | Ölkə |
| 1845 | Didivar nekropolu[5] | e.ə. III–II minilliklər | Didivar kəndi | Arxeoloji | Ölkə |
Kənd Naxçıvançay ilə Cəhriçayın qovuşduğu yerdə yerləşir.
| İl | Daimi əhali | Kişilər | Qadınlar |
|---|---|---|---|
| 1999[6] | 1235 | 640 | 595 |
| 2009[7] | ↗1429 | ↗692 | ↗737 |
Əhalinin əsas hissəsini azərbaycanlılar, qalan hissəsini kürdlər və çox cuzi hissəsini isə yəhudilər təşkil edir.
Kənddə bir kitabxana və bir mədəniyyət evi fəaliyyət göstərir.
Kənddə Didivar kənd tam orta məktəbi fəaliyyət göstərir.[8]
Kənddə dini ibadət yeri və ya dini icma qeydə alınmamışdır.
Kənddə xəstəxana mövcuddur.
 |
 |
UREYIM.AZ |  |
 |
|
