Jah Khalib (Ca Kalib[4], əsl adı azərb. Bəxtiyar Məmmədov; d. 29 sentyabr 1993[1], Almatı) — azərbaycan əsilli qazax rusdilli reper, müğənni, bitmeyker və prodüser.
Jah Khalib | |
---|---|
qaz. Бахтияр Мамедов | |
![]() | |
Ümumi məlumatlar | |
Doğum adı | Бахтияр Мамедов |
Ləqəbi | Jah Khalib[2] |
Doğum tarixi | 29 sentyabr 1993(1993-09-29)[1] (31 yaş) |
Doğum yeri | |
Musiqiçi məlumatları | |
Fəaliyyəti | repçi, müğənni-mahnı yazarı, musiqi prodüseri |
Janr | hip-hop[d][3] |
Təhsili | |
jahkhalib.com | |
![]() |
Bəxtiyar Məmmədov 1993-cü il sentyabrın 29-da Almatı şəhərində anadan olub.[5] Atası azərbaycanlı,[5] anası isə qazaxdır.[4] Uşaqlıqdan rep musiqisi ilə maraqlanıb. Musiqi məktəbində saksofon sinfi üzrə təhsil alıb.[6] Kurmanqazı adına Qazax Milli Konservatoriyasının musiqişünaslıq və menecment fakültəsini bitirib.
Bitmeyker və saund-prodüser qismində müxtəlif qazaxıstanlı reperlərlə işləyib.[5] Solo karyeyaya başlayandan sonra Jah Khalib adını özünə səhnə təxəllüsü götürüb. Onun sözlərinə görə Khalib uydurulmuş ad, Jah (Ca) isə rastafari hərəkatında allah adıdır.[6] Treklərinin sosial şəbəkələrdə yayılması sayəsində geniş şöhrət qazanmışdır. Onun ilk trekləri arasında daha çox "Tvoi sonnıe qlaza", "SnD" "Sjiqaya dotla" və "Tı dlya menya" populyar olub. Jah Khalib tezliklə nəinki Qazaxıstanda, həmçinin digər postsovet ölkələrində də məşhur oldu.[7]
2016-cı ildə "Yesli çe, ya Baxa" adlı solo albom buraxıb.[7] 2017-ci ilin yazında "Leyla" kompozisiyasına klip çəkdirib.[8]
2015 və 2016-cı illərdə "Forbes Kazakhstan" jurnalının şou-biznes və idman ulduzları siyahısına daxil idi.[7] 2017-ci ilin iyununda "İlin sıçrayışı" nominasiyasında Muz-TV mükafatının laureatı olub.[9]
Albom | Buraxılış ili |
---|---|
KHALIBaniya Duşi | 2015 |
Cazovıy qruv | 2016 |
Vsyo şto mı lyubim | 2016 |
Yesli çe, ya Baxa | 2016 |
E.G.O | 2018 |
Vıxor v svet | 2019 |
911 | 2020 |
Baxa i Dmitri Karantino | 2020 |
Mudrets | 2021 |
Desert Eagle | 2021 |
Klip | Buraxılış ili |
---|---|
ZNNKN | 2015 |
Sunshine Lady | 2015 |
Sozvezdie anqela | 2016 |
Melodiya | 2017 |
Leyla | 2017 |
Medina | 2018 |
Djadua | 2019 |
İskal-naşyol | 2021 |
MamaMiya | 2021 |
Lilovaya | 2021 |