Kamasots - Wikipedia - Ureyim.az

Kamasots kəliməsi, kiçe dilində "ölüm" mənasına gələn "kame" və "yarasa" mənasına gələn "sots" sözlərindən əmələ gəlmişdir.^[2]

Kamasots, mayyaların müqəddəs kitabı Popol-Vuxda qəhrəman əkiz qardaşların (Xun-Axpu və Şbalanke) Şibalbada qarşılaşdıqları yarasaya bənzəyən bədheybət olaraq təsvir edilmişdir. Kitabdakı hekayayə görə əkizlər gecəni "Yarasalar Evi"ndə keçirmək məcburiyyətində qalırlar. Ətraflarında dövrə vuraraq uçan yarasalardan qorunmaq üçün özlərini ağız tüfənglərinin içində gizlədirlər. Əkizlərdən biri (Xun-Axpu) günəşin çıxmasından xəbər tutmaq üçün başını ağız tüfəngindən çıxardığı vaxt Kamasots onun başını qoparıb aparır. Hekayənin davamında məlum olur ki, Kamasots Xun-Axpunun başını tanrıların növbəti top oyunu üçün meydançaya aparmış və oradan asmışdır.^[3]