 |
 |
Ureyim.az |  |
 |
Leonard Robinson və ya Lenni Robinson (28 sentyabr 1963, Baltimor, Merilend – 16 avqust 2015, Biq-Pul[d], Merilend)[1] – ABŞ xeyriyyəçisi və biznesmeni. Baltimor şəhərindəki xəstəxanaları ziyarət edərkən Betmen forması geyindiyi üçün Baltimor Betmeni kimi tanınmışdır.
| Lenni Robinson | |
|---|---|
| Doğum tarixi | 28 sentyabr 1963 |
| Doğum yeri | |
| Vəfat tarixi | 16 avqust 2015 (51 yaşında) |
| Vəfat yeri | |
| Fəaliyyəti | təqlidçi[d] |
2012-ci ildə yol polis tərəfindən Betmobili saxlanılarkən çəkilmiş videodan sonra məşhurlaşmışdır. 16 avqust 2015-ci ildə avtomobilini saxladıqdan sonra yoldan keçən nəqliyyat vasitəsi tərəfindən vurulmuş və ölmüşdür.[2][3] Onun ölümündən sonra reqbiçi Rey Luis, musiqiçi Con Meyer kimi məşhurlar, eləcə də, Betmenin rəsmi Facebook səhifəsi dəstək vermişdir.[4] Lenni "Baltimor Reyvens" klubunun fanatı idi və klubun 2000 və 2012-ci ildəki Super Boullarına qatılmışdı. O, klubun bəzi oyunçuları ilə dostlaşmış və onlarla birlikdə xeyriyyə işlərinə qatılmışdır.[5]
Lenni Robinson xəstə uşaqları Betmen kimi ziyarət etməsinin səbəbi "Betmenin nə qədər çətin vəziyyətdə olmasından asılı olmayaraq, həmişə sona qədər mübarizə apardığını" uşaqlara öyrətmək idi.[6] O, uşaqları xəstəxanada ziyarət edərkən onlara Betmenlə bağlı əşyalar verirdi və verdiyi kitab, köynək, papağı Betmen kimi imzalayırdı. Onun ziyarət etdiyi xəstəxanalar arasında Sinay xəstəxanası, Corctaun Universitetinin xəstəxanası və Uşaqların Milli Tibb Mərkəzi var idi. 2016-cı ildə Laurin Stronqin və qurduğu Henri üçün Ümid Fondu təşkilatı Sinay xəstəxanasında "Lenni Betmen Robinson" proqramı başlatmışdır.[7][8][9]
16 avqust 2015-ci ildə Robinson Cənubi Çarlstonda keçirlən festivaldan qayıdarkən Betmobili Merilend ştatının Biq-Pul ərazisində sıradan çıxmışdır. Mühərriki yoxlayarkən bir Toyota Camry Betmobili arxadan vurmuş və nəticədə, Robinson ölmüşdür.[10]
"Baltimor Reyvens" klubunun oyunçusu Rey Luis Tvitterdə onunla bağlı tvit atmışdır: "Dünya xüsusi bir ruhu itirdi. Əsl yaşayan mələk. Lenni Robinson həmişə ürəyimdə yaşayacaq".[11]
19 avqust 2015-ci ildə Robinsonun dəfn mərasimi baş tutmuş və tədbirə yüzlərlə şəxs qatılmışdır. Robinsonun məzarının üstündə Qara cəngavər simvolu yerləşdirilmişdir.[12]
 |
 |
UREYIM.AZ |  |
 |
|