 |
 |
Ureyim.az |  |
 |
Mitski Miyavaki (27 sentyabr 1990, Mie prefekturası) — yapon əsilli amerikalı müğənni, mahnı yazarı. Mitski SUNY Purchase-də studiya bəstəkarlığı təhsili alarkən özünün ilk iki albomunu – "Lush" və "Retired from Sad, New Career in Business" albomlarını tələbə layihəsi çərçivəsində hazırıayıb.[3] O, 2013-cü ildə məzun olmuş və sonra 2014-cü ildə Double Double Whammy vasitəsilə "Bury Me at Makeout Creek" adlı üçüncü studiya albomunu yayımlamışdır.
| Mitski | |
|---|---|
_(cropped).jpg) Mitski 2019-cu ildə | |
| Ümumi məlumatlar | |
| Doğum adı | Mitsuki Laycock[1] |
| Doğum tarixi | 27 sentyabr 1990 (34 yaş) |
| Doğum yeri | |
| Musiqiçi məlumatları | |
| Fəaliyyəti | müğənni |
| Fəaliyyət illəri | 2012-ci ildən |
| Janrlar | indi-rok, pank rok, folk-rok, folk pank[d], art pop |
| Musiqi alətləri | piano[2], gitara[2], bas-gitara[2], zərb qurğusu[d], skripka |
| Albom şirkətləri | Dead Oceans[2], Double Double Whammy, Don Giovanni Records[2] |
| Təhsili | |
| mitski.com | |
 Vikianbarda əlaqəli mediafayllar | |
Mitski 2015-ci ildə Dead Oceans şirkəti ilə müqavilə bağlamışdır. Ardınca "Puberty 2", "Be the Cowboy" və "Laurel Hell" albomlarını buraxmışdır. 2022-ci ildə The Guardian qəzetindən Ben Beaumont-Thomas onu ABŞ-nin "ən yaxşı gənc mahnı yazarı" adlandırıb.[4] Onun David Byrne ilə birlikdə "Hər şey hər yerdə və bir anda" filmi üçün yazdığı "This is a Life" mahnısı "Oskar" mükafatına namizəd göstərilib. Mitskinin yeddinci studiya albomu "The Land Is Inhospitable and So Are We" 2023-cü ildə işıq üzü görüb.
Mitski 27 sentyabr 1990-cı ildə doğulub. Doğulmasına az qalmış valideynləri – yapon anası və ağ dərili amerikalı atası – Konqo Demokratik Respublikasında yaşayırdılar. Valideynləri yeni doğulacaq uşaqlarının Yaponiya vətəndaşı olmasını istədikləri üçün müvəqqəti olaraq Yaponiyaya uçurlar. Mitski dünyaya gəldikdən sonra onunla birlikdə Afrikaya qayıtmışdırlar. Mitski atasının hökumətdəki - ABŞ Dövlət Departamentindəki işi ilə əlaqədar olaraq on üçdən çox ölkədə yaşamalı olub. Çin, Türkiyə, Malayziya, Çexiya, Konqo və s. ölkələrdə yaşayıb. Atası CIA agenti olduğu üçün o, valideynləri haqqında məlumat verməməkdədir. Atasının hərbi cinayətkar olduğu da iddia olunur.
Orta məktəbi Türkiyədə bitirib. İlk mahnısı Türkiyədə on səkkiz yaşında yazdığı "Bag of Bones" olmuşdur. O, atasının Amerika folk disklərinə və anasının Yapon pop CD-lərinə qulaq asaraq böyüyüb.
Kino üzrə təhsil almaq üçün Hunter Kollecinə daxil olan Mitski, sonradan musiqiyə verdiyi dəyəri nəzərə alaraq SUNY Purchase-yə yollanır və burada studiya bəstəkarlığı təhsili alır. Perçeysdə olarkən o, tələbə layihələri kimi pianoda yazdığı "Lush" və "Retired from Sad, New Career in Business" albomlarını buraxır.[5][6] Orada Mitski sonralar onun albomu üçün prodüserlik edən Patrik Haylend ilə tanış olur.[7]
Məzun olduqdan sonra o, qısa müddət proq-metal qrupu Voice Coils üçün ifalar edir. Bunun ardınca növbəti albomu "Bury Me at Makeout Creek" üzərində işləməyə başlamışdır.[8] Nəhayət albom Double Double Whammy tərəfindən 11 noyabr 2014-cü ildə yayımlanır. Əlavə dörd bonus trekinin də daxil edildiyi albomun başqa bir versiyası 7 aprel 2015-ci ildə Don Giovanni Records tərəfindən buraxılır.[9][10][11][12]
Mitski 22 dekabr 2015-ci ildə Dead Oceans albom şirkəti ilə müqavilə bağlayıb.[13] O, 1 mart 2016-cı ildə dördüncü studiya albomu olan "Puberty 2"nun buraxılacağı haqqında paylaşım etmişdir. Həmim gün ilk sinql "Your Best American Girl"ü yayımlayıb.[14] İyunun 17-də albomun buraxılmasından əvvəl o, "Happy" adlı daha bir sinqlı buraxır.[15] Haylendin prodüser olduğu bu albom iki həftə ərzində Nyu-Yorkun Vestçester County-dəki Acme Studios-da yazılıb.[16] Albom buraxıldıqdan sona dinləyicilər və musiqi tənqidçiləri tərəfindən müsbət rəylərlə qarşılanıb.[17] "Your Best American Girl" Rolling Stone jurnalı tərəfindən 2010-cu illərin 13-cü ən yaxşı mahnısı seçilmişdir.[18]
Onun "Francis Forever" mahnısı 2016-cı ildə "Cartoon Network"da nümayiş olunan "Macəra zamanı" cizgi serialının "The Music Hole" epizodunda personaj Marselin (Oliviya Olson) tərəfindən kaver kimi ifa edilib.[19]
Pixies qrupu onların 21 fevral 2017-ci ildə baş tutacaq konsert açılışında Mitskinin iştirak edəcəyini bildirib.[20] Mayın 1-də müxtəlif sənətçilərin mahnılarından ibarət olan "Our First 100 Days" adlı 100 mahnıdan ibarət toplu albom işıq üzü görüb. Bu alboma Mitskinin One Direction qrupunun "Fireproof" mahnısına oxuduğu kaver də daxil edilmişdir. Albom Donald Trampın təhdid adlandırdığı təşkilatlar üçün vəsait toplayırdı.[21][22] Bundan əlavə Mitskinin ifa etdiyi "I'm a Fool to Want You" kaver mahnısı "7-Inches For Planned Parenthood" kompilasiya albomunda yer alıb.[23] Tanınmış müğənni Lorde 4 oktyabr 2017-ci ildə özünün Melodram Dünya Turu konsertinin açılışında Mitskinin iştirak edəcəyini elan edib.[24] Mitski noyabrın 1-də özünün baş rolda oynadığı “Sitting” qısametrajlı filmini təqdim edib.[25]
.jpg)
Mitski 20 aprel 2018-ci ildə Xiu Xiu eksperimental qrupu ilə birlikdə bir işə imza atdı. Onların ifa etdiyi "Between the Breaths" mahnısı "How to Talk to Girls at Parties" filminin soundtrekinə daxil edildi.[26]
Mitski 14 may 2018-ci ildə beşinci studiya albomu "Be the Cowboy" üçün ilkin sifarişləri açıb. İlk sinql olan "Geyser"i musiqi videosu ilə buraxıb.[27] İkinci sinql "Nobody" musiqi videosu ilə birlikdə 26 iyun 2018-ci ildə yayımlanıb,[28] daha sonra üçüncü və albomun son sinqlı "Two Slow Dancers" lirik video ilə birlikdə 9 avqustda çıxdı.[29] "Be the Cowboy" 17 avqustda Dead Oceans tərəfindən yayımlanmışdır.[30] Albom tənqidçilər tərəfindən bəyənilmiş və Pitchfork,[31] Vulture[32] və Sequence of Sound jurnalları tərəfindən "İlin Albomu" seçilmişdir.[33]
Mitski 2020-ci ildən etibarən Neşvill şəhərində yaşayır. O veqandır, qorxu filmlərini sevir və iki pişiyi var.
 |
 |
UREYIM.AZ |  |
 |
|