 |
 |
Ureyim.az |  |
 |
Polo — top ilə komanda şəklində oynanılan atüstü idman növü. Oyunçular topu meydançada xüsusi polo taxtası vasitəsilə hərəkət etdirirlər.
.jpg)
Müasir polo oyununa bənzər qədim çövkən oyunu Şərqdə, o cümlədən də Azərbaycanda çox məşhur idi. XIX əsrdə Hindistandan İngiltərəyə gətirilən bu oyun getdikcə inkişaf etdirilmiş, yeni qaydalar əsasında Amerika və Avropa ölkələrində yayılmağa başlamışdır. Məhz ingilislərin təşəbbüsü ilə çövkən oyunu polo adı altında ilk dəfə 1900-cü ildə Parisdə keçirilən II Olimpiya Oyunlarının proqramına daxil edilmiş, beləliklə, Qərb sivilizasiyasında bu ad təsbit edilmişdir. Parisdə üç ölkənin 5 polo komandası iştirak etmişdir. Növbəti dəfə polo oyunu Olimpiya oyunlarının proqramına 1908-ci ildə Londonda, 1920-ci Antverpendə, 1924-cü Parisdə və 1936-cı ildə Berlində keçirilən Olimpiya oyunlarında oynanılmışdır.
2013-cü ildə Bakıda ilk dəfə olaraq polo üzrə dünya kuboku yarışları keçirildi. Binə atçılıq mərkəzində keçirilən yarışda Azərbaycanla yanaşı ABŞ, Argentina, Böyük Britaniya və digər ölkələrdən olan 8 komanda çempionluq uğrunda mübarizə aparırdı[1]. Polonun adı italyan səyyah Marko Polonun adı ilə bağlıdı. Belə ki, Polo Azərbaycana səfər edərkən insanların at üzərində oynadıqları bu oyunu görür və öz soyadı ilə bu oyunu adlandırır.
Polo (çövkən) dünyanın ən qədim komanda idman növlərindən biridir və kökləri qədim İrana aidir. Bu idman İranda çövkən adı ilə məşhur olub və onun tarixi hətta Əhəməni imperiyası dövrünə (e.ə. 600-cü illərə) qədər uzanır.
Tarixi mənbələr, o cümlədən Firdovsinin "Şahnamə"[2] si və Yunan tarixçisi Ksenofonun[3] əsərləri göstərir ki, çövkən qədim İranda təkcə idman deyil, həm də süvari döyüşçüləri üçün hərbi məşq idi. Sasanilər dövründə (224–651-ci illər) çövkən ən yüksək populyarlığına çatmışdı. Sasani şahları, məsələn, Bəhram Gur və Xosrov Pərviz də çövkən oyunçuları idilər. İslam dövründə də bu idman İran əsilzadələri və hərbçiləri arasında davam etdirilirdi, Səfəvilər dövründə də diqqət mərkəzində qalmışdı.
 |
 |
UREYIM.AZ |  |
 |
|
