 |
 |
Ureyim.az |  |
 |
Ostin Riçard Post (ing. Austin Richard Post, təxəllüsü: Post Malone; 4 iyul 1995[4][5], Sirakuz, Nyu-York ştatı[6]) — ABŞ muğənnisi, repperi, söz yazarı, prodüseri və gitaristi. Malone 2015-ci ilin fevral ayında, ilk sinqlı olan "White Iverson" buraxıldıqda geniş tanınmışdır. O 2015-ci ilin avqust ayında, "Republic Records"la bir albom müqaviləsi imzalamışdır. Bundan sonra Malone "Quavo"yla "Congratulations" və "21 Savage"lə "Rockstar" mahnılarını buraxmışdır. Malone ilk studio albomu "Stoney"i 2016-cı ildə buraxmışdır. Sonra isə o "Beerbongs and Bentleys" albomunu 2018-ci ildə yayımlamışdır.
| Post Malone | |
|---|---|
| ing. Austin Richard Post | |
 Post Malone (2018) | |
| Ümumi məlumatlar | |
| Doğum adı | Ostin Riçard Post |
| Doğum tarixi | |
| Doğum yeri |
|
| Vətəndaşlığı |
 ABŞ |
| Uşağı | 1[1][2] |
| Musiqiçi məlumatları | |
| Fəaliyyəti |
|
| Fəaliyyət illəri | 2015 — h.h. |
| Janr | |
| Musiqi aləti | |
| Səs tembri | bariton |
| Albom şirkəti | Republic Records |
| Əlaqələri | |
 |
|
| postmalone.com | |
 Vikianbarda əlaqəli mediafayllar | |
Ostin Riçard Post 4 iyul 1995-ci il tarixində ABŞ-nin Nyu-York ştatında yerləşən Sirakuz şəhərində anadan olmuşdur.[7][8] Post atası Riç Post və ögey anası Cudi Post tərəfindən böyüdülmüşdür. Postun atası disk-cokey idi və onu musiqinin hip-hop, kantri və rok kimi fərqli-fərqli janrlarıyla tanışdırmışdır.[9]
Postun 9 yaşı olanda ailəsi ilə birlikdə Texas ştatında yerləşən Qreypvayn şəhərinə köçmüşdür.[10][11][12] Post gitara ifa etməyə başlamış və 2010-cu ildə "Crown the Empire" adlı musiqi qrupuna qoşulmaq üçün qeydiyyatdan keçmiş, ancaq ifa etdiyi zaman gitarasının simləri qırılmış, bunun nəticəsində qəbul edilməmişdir. Post gitaraya olan marağını ilk dəfə məşhur videooyun "Guitar Hero"dan aldığını demişdir.[13] Postun dediyinə görə peşəkar musiqiçiliyə metal musiqi qrupuna qoşulduğunda daxil olmuşdur.[14] Bundan çox vaxt keçməmiş, o hip-hop kimi daha yumşaq roka keçmişdir.[15] Post 16 yaşında olanda "Audacity"dən istifadə edərək ilk miksteypi, "Young and After Them Riches"i yaratmışdır.[16] O bunu Qreypvayn Orta Məktəbindəki bəzi sinif yoldaşlarını dinlətmişdir.[13][17] Post musiqiyə sevigisini atası Riçdən aldığını demişdir. Yeniyetmə yaşlarında "Chicken Express"də işləmişdir.[13]
Post Tarrant Dairəsi Kollecinə qeydiyyatdan keçmiş, ancaq daha sonra çıxmışdır.[18] Kolleci tərk etdikdən sonra Post peşəkar oyun strimeri olan dostu Ceyson Probst ilə Kaliforniyanın Los-Anceles şəhərinə köçmüşdür.[19][20][21] Los-Ancelesə köçdükdən sonra, Post, Probst və bir neçə prodüserlər və sənətkarlar "BLCKVRD" adlı bir musiqi qrupu qurub, birlikdə musiqi yaradırlar.[22]
Postun dediyinə görə o, "Post Malone" təxəllüsünü 14 və ya 15 yaşında olanda seçmişdir.[23] Təxəllüsün peşəkar basketbolçu Karl Malona istinad olması barədə dedi-qodu yayılmışdır,[24] ancaq o daha sonra "Post"un onun soyadı olduğunu və "Malone" adı üçün "rep adı generatoru"ndan istifadə etdiyini demişdir.[25] O "FKi"dən 1st, Rich və "White Iverson" daxil olmaqla Postun bir neçə trekinin prodüserliyini edən Rex Kudo ilə tanışmışdır.[7] "White Iverson" mahnısı peşəkar basketbolçu olan Allen Ayversona bir istinaddır.[24][26][27] 2015-ci ilin fevral ayında, mahnının istehsalı başa çatdıqdan sonra mahnı Postun SoundCloud hesabına yüklənmişdi.[28] 19 iyul 2015-ci il tarixində "White Iverson" mahnısı üçün bir video hazırlamış və "YouTube"da paylaşmışdır. Həmin video yükləndiyi gündən bəri 400 milyon izlənmə qazanmışdır. Sinql Mak Miller və Wiz Khalifa tərəfindən təriflənmişdir,[13][29][30] lakin Erl Svetşot kimi musiqiçilər tərəfindən pislənmişdir.[31][32][33]
"White Iverson" mahnısının buraxılışından bir ay sonra videonun bir milyon izlənmə alması, bir neçə albom leybllarının diqqətini çəkmişdir.[27] 2015-ci ilin avqust ayında o "Republic Records"la bir müqavilə imzalamışdır.[34][35] Post sonradan 50 Cent, Young Thug və Kanye Vest kimi görkəmli repperlərlə işləmişdir.[36][37] 2015-ci ilin avqust ayında Post Kayli Cennerin 18-ci yaş günündə ifa etmişdir.[38] Post orada Kanye Vest ilə tanışmışdır. Vest Postun musiqisini sevdiyini demişdir, bunun nəticəsində Post "Fade" mahnısı üzərində Kanye Vest ilə birlikdə işləmişdir.[39] Post daha sonra Kanada muğənnisi və söz yazarı Castin Biberlə dost olmuşdur. Post Biberin "Purpose World Tour"unun açılışında çıxış etmişdir.[40][41] 20 aprel 2016-cı il tarixində Post "Go Flex" mahnısını buraxmışdır.[42] 12 may 2016-cı il tarixində o ilk tammetrajlı layihəsini, "August 26'" adlı miks-teypini buraxmışdır.[43] Miks-tepyin adı Postun ilk albomunun çıxış tarixinə bir istinad idi. 9 iyun 2016-cı il tarixində Post ilk dəfə milli televiziyada "Jimmy Kimmel Live!" şounda "Go Flex" mahnısıyla çıxış etmişdir.[44]
2016-cı ilin iyun ayında "XXL" jurnalının baş redaktoru Vanessa Satten Postun "2016 Freshmen Class" jurnalının cildində olacağını, ancaq "iş yoldaşları Postun hip-hopa diqqət yetirmədiyini, daha çox rok, pop, kantri yolunda getdiyini deyiblər."[45] Halbuki, Post bu iddiaların yalan olduğunu, özünün son miks-teypinin və gələcək musiqi albomunun ikisinin də hip-hop janrında olacağını demişdir.[46] 2016-cı ilin avqust ayında "Stoney" musiqi albomunun gec yayımlanmasına görə üzr istəmişdir.[47] Musiqi albomu 4 noyabr tarixində ön-sifariş üçün hazır idi. Musiqi albomu 9 dekabr tarixində satışa çıxarılmışdır. Post daha sonra "Congratulations" sinqlının uğuruna baxmayaraq,[48][49] albomu "babat" adlandırmışdır.[11] "Stoney" albomunda "I Fall Apart" və "Deja Vu" mahnıları da var idi.[50]
2017-ci ilin fevral ayında Post yeni layihəsi "Beerbongs & Bentleys"[51] musiqi albomunun dekabr ayında yayımlanacağını demişdir, ancaq albomun çıxış tarixi 2018-ci ilə çəkilmişdir.[52] Post sentyabr ayında albomdakı ilk sinqlını, "21 Savage"i ehtiva edən "Rockstar" mahnısını buraxmışdır.[53] Mahnının müvəffəqiyyəti nəticəsində "Rolling Stone" Postu "2017-ci ilin ölkədəki ən məşhur musiqiçilərindən biri" adlandırmışdır.. Post noyabr ayında "Rockstar" mahnısı üçün bir video hazırlamışdır.[54][55][56][57]
Postun musiqi stili "Pop-Rock, qranj, hip-hop və R&B janrlarının ərimə qazanı",[58] Postun özü isə çevik olaraq təsvir edilmişdir.[59] Onun vokal stili lakonik olaraq təsvir edilmişdir.[60] " The New York Times" qəzetinin işçisi Con Karamanika Postu "oxumaq, reppinq, hip-hop və qorxulu elektro-xalq musiqisi arasında sərhəd çəkə bilən bir sənətkar" olaraq təsvir etmişdir.[61] Post öz musiqi stilini "janrsız" adlandırmışdır.
Postun musiqi stilinə ən çox təsir göstərən sənətkar Bob Dilandır. Post onu "dahi" və "tanrı" adlandırmışdır. Post "Subterranean Homesick Blues" mahnısını "ilk rep mahnısı" adlandırmışdır. Postun bir Bob Dilan tatuirovkası var.[11]
Post 2017-ci ilin noyabr ayında Polşa media qurumu olan "NewOnce" ilə bir müsahibə keçirmişdir. Post müsahibədə "müasir hip-hopda gerçək zibildən danışan insanlar yoxdur" və "həyat haqda düşünmək istəyirsinizsə, hip-hop dinləməyin" demişdir.[62][63] Post bu sözlərinə görə sosial şəbəkədə mənfi reaksiya almışdır.[64][65] Post "Twitter" sosial şəbəkə platformasında paylaşılan bir videoda bu qalmaqal haqda danışmışdır.[66] Post videoda müsahibədən öncə çox pivə içib sərxoş olduğunu[67] və əslində hip-hopu çox sevdiyini açıqlamışdır.[68] "NewOnce" media qurumu Postun iddialarını inkar etmişdir.[69]
Postun qolunda ABŞ prezidenti Con Ficerald Kennedinin tatuirovkası var. Post Kennedinin "Son vaxtlarda bizim hökümətdə baş verən dəli korrupsiya şeylərinə qarşı danışan yeganə prezidentdir" demişdir.[70] 2016-cı ilin dekabr ayında Post Donald Trampın andiçmə mərasimində ifa etmək təklifi gəlsə, bu təklifi rədd etməyəcəyini demişdir.[71] Post daha sonra nə Donald Trampın, nə də Hillari Klintonun prezidentliyə layiq olduğunu, əslində Berni Sandersi dəstəklədiyini demişdir.[71]
2017-ci ilin dekabr ayında "Rolling Stone" jurnalı ilə olan bir müsahibədə Post Donald Trampı xoşlamadığını demişdir. Həmin müsahibədə Postun çoxsaylı silahı olduğunu öyrənilmişdir. Post silah sahibi olmaq və işlətmək "amerikan" bir xüsusiyyət olduğunu demişdir. Post konspirasiya nəzəriyyələri ilə çox maraqlanır. Post bu barədə "Bizim açıqlaya bilmədiyimiz zibillər baş verir." demişdir.[13]
| İl | Ad | Rol | Qeydlər |
|---|---|---|---|
| 2015 | Post Malone: White Iverson | Aktyor | [72] |
| 2015 | Post Malone: #Mood | Aktyor, bəstəkar | [72] |
| 2015 | Post Malone: Too Young | Aktyor, bəstəkar | [72] |
| 2015 | Post Malone: Boy Bandz | Aktyor, bəstəkar | [72] |
| 2015 | Skee TV | Özü | 1 bölüm ("Action Bronson, OT Genasis, Post Malone, Matt & Kim")[72] |
| 2016 | GGN: Snoop Dogg's Double G News Network | Özü | 1 bölüm ("GGN Post Malone Has the Sauce")[72] |
| 2016 | Jimmy Kimmel Live! | Özü | 2 bölüm ("Melissa McCarthy, Kristen Wiig, Kate McKinnon & Leslie Jones/Post Malone," "Sarah Silverman/Jimmy Butler/Post Malone")[72] |
| 2016 | Pattaya | İfaçı, yazıçı ("White Iverson") | [72] |
| 2016 | Post Malone: Go Flex | Aktyor, bəstəkar | [72] |
| 2016 | Hot Ones | Özü | 1 bölüm ("Post Malone Sauces on Everyone While Eating Spicy Wings")[73] |
| 2017 | "Making Music with Post Malone" | Özü | [74] |
| 2017 | FishCenter Live | Özü | 1 bölüm[75] |
| 2017 | H3 Podcast | Özü | 2 bölüm ("Post Malone & Joji", "Post Malone")[72] |
| 2017 | Late Night with Seth Meyers | Özü | 1 bölüm ("Jake Gyllenhaal/Whitney Cummings/Post Malone/Quavo/Metro Boomin/Charlie Benante")[72] |
| 2017 | Ridiculousness | Özü | 1 bölüm ("Post Malone")[72] |
| 2017 | Post Malone Feat. Quavo: Congratulations | Aktyor | [72] |
| 2017 | iDubbbzTV | Aktyor | [76] |
| 2017 | xXx: Return of Xander Cage | İfaçı, yazıçı ("Burning Man") | [72] |
I didn't go to Syracuse ... I went to Tarrant County College
Vikianbarda Post Malone ilə əlaqəli mediafayllar var. |
 |
UREYIM.AZ |  |
 |
|