Rikkardo Folyi (it. Riccardo Fogli; 21 oktyabr 1947, Pontedera kommunası[d], Toskana) — tanınmış İtaliya müğənnisi.
Rikkardo Folyi | |
---|---|
![]() | |
Ümumi məlumatlar | |
Doğum tarixi | (77 yaş) |
Doğum yeri | Pontedera, İtaliya |
Milliyyəti | italyan |
Musiqiçi məlumatları | |
Fəaliyyəti | müğənni, səsyazma sənətçisi[d] |
Fəaliyyət illəri | 1966-cı ildən |
Janrlar | pop-musiqi, pop-rok |
Musiqi aləti | bas-gitara |
riccardofogli.net | |
![]() |
Rikkardo Folyi 21 oktyabr 1947-ci ildə İtaliyanın Piza əyalətində yerləşən Pontedera kommunasında dünyaya gəlib. Uşaqlıqdan musiqiyə həvəs göstərən Rikkardo, elektrik bas-gitara çalmağı öyrənir və 14 yaşında "Piaggio" fabrikində işləməyə başlayır. 1966-cı ildə "Pooh" qrupunun solisti olur. Lakin 1973-cü ildə populyarlıq zirvəsində olan sənətçi, şəxsi problemlərə görə qrupu tərk edir və solo karyerasına başlayır. 1980-lər onun musiqi karyerasının zirvəsi sayılır. 1982-ci ildə Folyi məşhur "Sanremo" festivalında iştirak edərək "Storie di tutti i giorni" mahnısını oxuyur və festivalın qalibi olur. 1983-cü ildə isə müğənni "Per Lucia" mahnısı ilə İtaliyanı Avroviziya Mahnı Müsabiqəsində təmsil edir, mahnı 11-ci yerdə qərarlaşır. 2016-cı ildə qrupun yaradılmasının 50 illiyinə həsr olunmuş son tur üçün sənətçi "Pooh" ilə yenidən bir araya gəlir. 2018-ci ildə o yenə "Sanremo" Festivalında iştirak edir və bu dəfə "Il segreto del tempo" mahnısını Robi Fakkinetti ilə duet şəklində ifa edir.