Robert Solou - Wikipedia - Ureyim.az

Robert Solou 23 avqust 1924-cü ildə Nyu York şəhərində yəhudi ailəsində anadan olub. Evlərinin yaxınlığında yerləşən dövlət məktəbində oxumuş, uğurlu bir şagirdlik keçirmişdi.

Robert Solou 1940-cı ilin sentyabr ayında təqaüdlə Harvard Universitetində təhsilə başladı. Sosiologiya və antropologiya üzrə təhsil almaqla yanaşı eyni zamanda iqtisadiyyat təhsili də almağa başlamışdı.

1942-ci ilin sonlarına yaxın ABŞ ordusuna qoşulmaq üçün universitetdən ayrılan Robert Solou Şimali Afrika və Siciliyada xidmət keçdi. Ordudan tərxis olunana qədər xidmətini İtaliyada davam etdirdi.

1945-ci ildə yenidən Harvard Universitetinə qayıtdı. Vasili Leontyevin rəhbərliyində tədqiqatlara başladı və giriş-çıxış hesabları üçün ilk maliyyə əmsallarını hazırladı. Daha sonra ehtimal nəzəriyyəsi və statistikaya meyilləndi.

1949–1950-ci illərdə Kolumbiya Universitetindən təqaüd qazanaraq intensiv şəkildə statistik işlərə başladı. Eyni zamanda, işsizlik və əmək haqqı nisbətləri üçün gəlir paylanmasında Markov müddətini istifadə edərək yeni göstəricilər əldə etməyə çalışdı.

1949-cu ildə Kolumbiya Universitetinə getməmişdən əvvəl dosentlik üçün Massaçusets Texnologiya İnstitutunun iqtisadiyyat bölməsinə müraciət etdi və qəbul edildi. Massaçusets Texnologiya İnstitutunda statistika və ekonometrika üzrə tədqiqatlar apardı. Robert Solounun marağı getdikcə makroiqtisadiyyata meyillənməyə başladı. Təqribən 40 il bir yerdə işlədiyi Pol Samuelsonla birlikdə bir çox nəzəriyyə meydana gətirdilər: fon Neyman böyümə nəzəriyyəsi (1953), kapital nəzəriyyəsi (1956), xətti proqramlaşdırma (1958), Filips əyrisi (1960) və s.

1956-cı ildə Trevor Svanla eyni vaxtda, lakin bir-birindən müstəqil olaraq iqtisadiyyatda Solou-Svan modeli kimi tanınan neoklassik inkişaf nəzəriyyəsini yaratmışdır.

Robert Solou bir çox ABŞ Federal hökumət layihələrində işlədi. Xüsusilə işsizlik, inkişaf siyasətləri və pul nəzəriyyəsi istiqamətlərinə diqqət göstərdi.

1961-ci ildə Amerika İqtisadiyyat Cəmiyyətinin (ing. American Economic Association) 40 yaşdan kiçik ən yaxşı iqtisadçılara verilən Con Beyts Klark medalına layiq görüldü. 1987-ci ildə iqtisadi inkişafla bağlı tədqiqatlarına görə İqtisadiyyat üzrə Nobel mükafatına layiq görüldü. 1999-cu ildə isə Beynəlxalq Elm medalı ilə mükafatlandırıldı.

• 1956. "A Contribution to the Theory of Economic Growth." Quarterly Journal of Economics 70: 65–94.
• 1957. "Technical Change and the Aggregate Production Function"; Review of Economics and Statistics 39: 312–20.
• 1958. Linear Programming and Economic Analysis. McGraw Hill, New York (Robert Dorfman ve Pol Samuelsonla birlikdə).
• 1962. "Technical Progress, Capital Formation, and Economic Growth"; The American Economic Review '52 (2): 76–86.
• 1963. Capital Theory and the Rate of Return.
• 1964. Sources of Unemployement in the United States.
• 1965. "A Contribution to the Theory of Economic Growth"; Quarterly Journal of Economics 70: 65–94.
• 1967. "The New Industrial State or Son of Affluence"; The Public Interest 108.
• 1970. Price Expectations and the Behavior of the Price Level.
• 1974. "The Economics of Resources or the Resources of Economics"; The American Economic Review 64: 1–14.
• 1980. On Theories of Unemployment.
• 1997. What is Labor Market Flexibility: What is it good for?.
• 1997. The Nature of Consumer Price Indices.
• 2000. Neoclassical Growth Theory.
• 2000. Growth Theory: An Exposition, Oxford University Press.
• 2007. "The Last 50 years in Growth Theory and the Next 10." Oxford Review of Economic Policy 23 (1): 3–14.

• İqtisadiyyat üzrə Nobel mükafatı
• İqtisadiyyat üzrə Nobel mükafatı laureatlarının siyahısı

• Robert Solou haqqında Nobel mükafat e-muzeyində məlumat
• Robert Solou haqqında faktlar
• Robert Solounun İqtisadiyyat üzrə Nobel mükafatının təqdim olunma mərasimindəki çıxışı
• Robert Solounun müsahibəsi
• Robert Solounun şəkilləri