Salih Omurtak - Wikipedia - Ureyim.az

Salih Omurtak 1889-cu ildə Salonikidə anadan olmuşdur. 1907-ci ildə Hərbi Akademiyanı leytenant rütbəsi ilə bitirmişdir. Elə həmin il daxil olduğu Hərbi Akademiyanı 1910-cu ildə bitirdi və Kadr oldu. Birinci Dünya müharibəsinin başlaması ilə, Azərbaycanı və Şimali Qafqazı xilas edəcək II. Qüvvəyi-Səfəri kadrlarında xidmət etdi. 1920-ci ilə qədər müxtəlif qərargahlarda və bölmələrdə xidmət etmişdir. 22 yanvar 1920-ci ildə vəzifə yerinə yetirdiyi Ankarada qalaraq Milli Orduya qatıldı. Türk Qurtuluş Müharibəsi dövründə Baş Qərargah Əməliyyatlar Şöbə Müdiri vəzifəsində çalışmış və Qazi Mustafa Kamal Atatürkün qərargahında olmuşdur. 61-ci Piyada Diviziyası Komandiri olduğu müddətdə Afyonkarahisarın şimalındakı Yunan hücumlarını dəf etməkdə və Yunan sağ cinahına əks hücumda uğur göstərdi. 1926-cı ilə qədər müxtəlif bölmələrə rəhbərlik etdi.

1926-cı ildə (Mirliva) general-leytenant, 1940-cı ildə dörd ulduzlu general olmuşdur. 9-cu və 3-cü Korpus Komandiri vəzifəsini icra etdi.29 iyul 1946-cı ildə Baş Qərargah rəisi vəzifəsinə təyin edildi və 8 iyun 1949-cu ilə qədər Baş qərargah rəisi vəzifəsində çalışdı. Ali Hərbi Şuranın üzvü, Baş Qərargahın 2-ci rəisi və General rütbəsində 1-ci Ordu Komandiri vəzifələrində çalışıb. Xəstəliyi səbəbiylə 1 yanvar 1950-ci ilə qədər tibbi səbəblərdən məzuniyyətdə idi. Ali Hərbi Şuranın üzvü olarkən 6 iyul 1950-ci ildə istəyi ilə təqaüdə çıxdı.

Salih Omurtak 43 illik hərbi xidməti dövründə "Məcidiyyə", "Osmaniyyə" nişanları, "Hərb", "Ləyaqət", "İmtiyaz" və "İstiqlal" medalları ilə təltif edilmişdir.

23 iyun 1954-cü ildə vəfat etdi. Ankara Hava Şəhidliyində dəfn edildi. Atatürk Meşə Fermasının yaxınlığında yerləşən Türkiyə Dövlət Məzarlığına Mustafa Kamal Atatürkün silahdaşı olduğuna görə köçürülmüşdür.^[2]