 |
 |
Ureyim.az |  |
 |
Sokrat Dodbiba (1899, Elbasan – 1956) — Albaniya iqtisadçısı və siyasətçisi. O, 1943–1944-cü illərdə Albaniya maliyyə naziri vəzifəsini tutmuşdur.
| Sokrat Dodbiba | |
|---|---|
| alb. Sokrat Dodbiba | |
.jpg) | |
| Şəxsi məlumatlar | |
| Doğum tarixi | 1899 |
| Doğum yeri | |
| Vəfat tarixi | 1956 |
| Təhsili | |
| Fəaliyyəti | iqtisadçı |
Sokrat Dodbiba o dövrdə Osmanlı imperiyasının tərkibində olan Elbasan şəhərində anadan olmuşdur. O, şəhərin Kala rayonunun pravoslav icmasına mənsub ailəsindən idi. O, Anastas Dodbiba və Albaniya siyasətçisi Lef Nosinin bacısı Polikseni Nosinin oğlu idi. Sokrat lokal məktəbdə təhsil almışdır. Burada əvvəlcə yunan, sonra isə alban dilində dərs keçirilirdi. O, daha sonra Konstantinopol (indiki İstanbul) şəhərində yerləşən Robert Kollecində təhsil almışdır. Dodbibanın burada müəllimlərindən biri Albaniya milli oyanış hərəkatının xadimi Sali Nivitsa olmuşdur.[1]
1921-ci ildə Dodbiba iqtisadi elmlər üzrə təhsilini davam etdirmək üçün Vyanaya getmişdir. Bu dövrdə "Albaniya" alban tələbə cəmiyyəti ilə əməkdaşlıq etmiş və onların qəzeti olan "Djalëria" nəşrinin yaradılmasında iştirak etmişdir.[1]
Dodbiba siyasi iqtisad üzrə elmi dərəcə ilə qayıtmışdır. 1932-ci ildə Albaniya Maliyyə Nazirliyində borclar şöbəsinin rəhbəri vəzifəsini tutmuşdur. O həmçinin, yerli mətbuatda bir neçə məqaləsi dərc olunduqdan sonra "Ekonomisti shqiptar" qəzetinin nəşrinə həvalə edilmişdir. Dodbiba tezliklə Albaniya Maliyyə Nazirliyinin baş inzibatçısı, daha sonra isə 1943-cü ilə qədər Dövlət Bankının komissarı vəzifəsini tutmuşdur.[1]
İkinci Dünya müharibəsi illərində Almaniyanın Albaniyanı işğal etdiyi dövrdə Dodbiba Rəcəb Mitrovitsa hökumətində maliyyə naziri olmuşdur. Bu vəzifədəki nailiyyətlərindən biri İtaliya Mərkəzi Bankının fondundan 120 milyon qızıl frankın Albaniya Mərkəzi Bankına köçürülməsi olmuşdur. O həmçinin, Albaniyada pul çapı üçün ilk avadanlığın gətirilməsinə kömək etmişdir.[1] Bu dövrdə onun bəzi qohumları, xüsusilə kommunizm dövründə Albaniya Əmək Partiyasının Siyasi Bürosunun üzvü və kənd təsərrüfatı naziri olan Pirro Dodbiba, Albaniya Milli Azadlıq Cəbhəsinə qoşularaq əks tərəfdə mübarizə aparmışdır.[2]
1944-cü ilin dekabrında Sokrat Dodbiba kommunistlər tərəfindən həbs edilmişdir. O, 1945-ci ildə İtaliya və Almaniya işğalı dövrünün bir çox siyasi xadimləri ilə birlikdə Xüsusi Məhkəmədə mühakimə olunmuşdur.[3][4][5] Dodbiba 30 il həbs cəzasına məhkum edilmiş və 1956-cı ildə Burreli həbsxanasında vəfat etmişdir.[1]
 |
 |
UREYIM.AZ |  |
 |
|