Vaqif Qarayev - Wikipedia - Ureyim.az

Vaqif Məmmədvəli oğlu Qarayev (rus. Гараев, Вагиф Мамедвели оглы; 24 yanvar 1955, Mingəçevir – 20 fevral 2021) — Rusiya Federasiyasının Bəhreyndəki fövqəladə və səlahiyyətli səfiri. O, bu posta ölkə prezidenti Vladimir Putinin 2014-cü il 29 dekabr tarixli fərmanı ilə təyin olunub.

Vaqif Qarayev
rus. Гараев, Вагиф Мамедвели оглы

Rusiya Federasiyasının Bəhreyndəki fövqəladə və səlahiyyətli səfiri
Vəzifədədir
29 dekabr, 2014-cü ildən
Əvvəlki	Viktor Simirnov
Şəxsi məlumatlar
Doğum tarixi	24 yanvar 1955(1955-01-24)
Doğum yeri	Mingəçevir, Azərbaycan SSR, SSRİ
Vəfat tarixi	20 fevral 2021(2021-02-20) (66 yaşında)
Təhsili	Moskva Dövlət Beynəlxalq Münasibətlər İnstitutu
Fəaliyyəti	diplomat

Həyatı

Vaqif Qarayev 1955-ci ilin 24 yanvar tarixində Azərbaycanın Mingəçevir şəhərində anadan olub. Ali təhsilini Moskva Dövlət Beynəlxalq Münasibətlər İnstitutunda alıb. 1997-ci ildə Rusiya Diplomatik Akademiyasının ali kursunu bitirdikdən sonra diplomatik fəaliyyətə başlayıb. Azərbaycan, ərəb, erməni, fransız və türk dillərində sərbəst danışır. 1978-ci ildən etibarən diplomatik xidmətdədir.^[1]

1994–1999 — Rusiya Xarici İşlər Nazirliyinin Konsulluq İdarəsinin rəisi.
1999–2003 — Rusiya Federasiyasının Hələb şəhərində baş konsulu.
2004–2007 — Rusiya Xarici İşlər Nazirliyində Yaxın Şərq və Şimali Afrika üzrə baş müşavir.
2007–2011 — Rusiya Federasiyasının Ərbil (İraq) şəhərində baş konsulu.
2011–2014 — Rusiya Federasiyasının Bəsrə (İraq) şəhərində baş konsulu.
29 dekabr, 2014-dən^[2] — Rusiya Federasiyasının Bəhreyndəki fövqəladə və səlahiyyətli səfiri