 |
 |
Ureyim.az |  |
 |
Yelizaveta Yevgeniyevna Solojenkina (rus. Елизавета Евгеньевна Соложенкина ; 10 sentyabr 2003[1], Sankt-Peterburq) — Rusiya şahmatçısı, qadınlar arasında qrossmeyster (2021), Qadınlar arasında Beynəlxalq Usta (bu adı FİDE-nin 2016-cı il 1-14 sentyabr tarixlərində Bakıda keçirilən 87-ci Konqresində alıb), Rusiyanın idman ustası (2017).[4]
 Yelizaveta Solojenkina | |
|---|---|
| Ölkə | |
| Doğum tarixi | 10 sentyabr 2003[1] (21 yaş) |
| Doğum yeri | |
| Titulu | |
| Son reytinqi |
|
| FİDE nömrəsi | 34106615 |
Yelizaveta Solojenkina 10 sentyabr 2003-cü ildə Sankt-Peterburq şəhərində anadan olub. Onun atası Yevgeni Solojenkin də peşəkar şahmatçıdır. Yevgeni Solojenkin şahmat üzrə məşqçi və FİDE-nin rəsmi məşqçisidir, FİDE reytinqi 2373 (2025-ci il may ayına olan məlumat) olan FİDE Masteridir (FM). Atası uşaq yaşlarından onda şahmata həvəs oyadıb. Yelizaveta Solojenkina atası ilə birlikdə oxuduğu PMK "Sovremennik" şahmat klubunun şagirdi olub. Beş yaşında şahmat oynamağa başlayan Yelizaveta Solojenkina 2015-ci ildə 13 yaşa qədər gənclər arasında Rusiya şahmat çempionatının qalibi olub.[5]
Sankt-Peterburqda 365 saylı məktəbi bitirib.[6] Yelizaveta Solojenkina hazırda Sankt-Peterburq Dövlət Dəniz Texniki Universitetinin Mühəndislik və İqtisadiyyat fakültəsində təhsil alır.[7]
Solojenkina dəfələrlə Rusiyanı gənclər arasında müxtəlif yaş qrupları üzrə gənclər arasında şahmat üzrə Avropa və dünya çempionatında təmsil edib və burada beş medal qazanıb: qızıl (2015-ci ildə qızlar arasında U12 yaş qrupunda gənclər arasında şahmat üzrə Avropa çempionatında),[8] üç gümüş (2012 və 2013-cü illərdə qızlar arasında U10 yaş qrupunda gənclər arasında şahmat üzrə Avropa çempionatında)[9][10] və 2014-cü ildə 12 yaşa qədər qızlar arasında şahmat üzrə yeniyetmələr arasında dünya çempionatında)[11] və bürünc (2017-ci ildə 14 yaşa qədər qızlar arasında keçirilən şahmat üzrə dünya çempionatında).[12]
2016-cı ildə Yelizaveta Solozhenkina Beynəlxalq Qadınlar Ustası adına,[13] 2021-ci ildə isə Qadınlar arasında Qrossmeyster adına layiq görülüb.[14][15]
Yelizaveta Solojenkina şahmatla bərabər qalmaqalla da yadda qalıb. Belə ki, 2017-ci ildə Uruqvayda keçirilən yeniyetmələr arasında dünya çempionatında Rusiya yığmasının məşqçisi və Yelizavetanın atası qrossmeyster Yevgeni Solojenkin sosial şəbəkədə dərc olunmuş və daha sonra məşhur şahmat xəbər saytına verdiyi müsahibədə iddia edib ki, Rusiya bayrağı altında oynayan Bibisara Asaubayeva tualet fasiləsi zamanı məşqçilərlə telefonla məsləhətləşmələr aparıb. Bəzi mütəxəssislər bu iddianın daha çox milli komanda da Asaubayevanı qızına rəqib görən Yevgeni Solojenkinin uydurması olduğunu hesab edirlər. Yetkinlik yaşına çatmayan Asaubayevanın valideynləri Moskvanın Basmannı rayon məhkəməsində şərəf və ləyaqətinin müdafiəsi üçün mülki iddia qaldırıblar. 18 may 2018-ci ildə məhkəmə iddiaçının tələblərini rədd edib. Birinci instansiya məhkəməsinin qərarından Moskva Şəhər Məhkəməsinə şikayət verilib. 14 dekabr 2018-ci ildə hökm çıxarılıb. Hökmə əsasən Solojenkin Asaubayevanı ləkələyən məlumat yaymaqda təqsirli bilinib və o, 100 min rubl cərimə ödəməyə məcbur olub.[16] Bundan əvvəl, 19 mart 2018-ci il tarixində Beynəlxalq Şahmat Federasiyasının Etika Komissiyasının qərarı ilə Solojenkin şahmat yarışlarında iştirakçının nüfuzuna xələl gətirməkdə təqsirli bilinərək, FİDE-nin hər hansı rəsmi turnirlərində, o cümlədən müşayiətçi qismində iştirak və müşahidəçi hüququndan məhrum edilib.[17] Qeyd edəki ki, bu insidentdən sonra Bibisara Asaubayeva Rusiya milli komandasını tərk edərək, yenidən Qazaxıstan yığmasına dönüb. Yelizaveta Solojenkina isə milli komanda da qalıb.
"Yujnı Ural" komandasının tərkibində 2021-ci il Şahmat üzrə klub komandalarının Avropa Kubokunun qalibi olub. "Yujnı Ural-1" komandasının tərkibində 2021-ci və 2022-ci illərdə Rusiya Qadınlar Komanda Çempionatının gümüş mükafatçısı adını qazanıb.
 |
 |
UREYIM.AZ |  |
 |
|
