 |
 |
Ureyim.az |  |
 |
Qenbudo (玄武洞?) – Yaponiyanın Hyoqo prefekturasının Toyooka şəhərində yerləşən mağara və park. Mağara vulkan püskürməsi nəticəsində əmələ gəlmiş heksaqonal sütunlardan ibarətdir. Mağara Qenbudo Parkının ərazisində yerləşir.
Qenbudo mağarası 1,6 milyon il əvvəl baş vermiş vulkanik proseslər nəticəsində yaranmışdır. Vulkandan axan lava soyumuş və heksaqonal bazalt sütunlar əmələ gəlmişdir. Mağaradakı sütunları çıxarmaq asan olduğu və yaxınlıqdan çay axdığı üçün Edo dövründə mağaradan tikinti materialları çıxarırdılar. Mağararaya "Qenbudo" adını 1807-ci ildə konfusiçi alim Şibano Kuriyama vermişdir.[1]
1925-ci ildə baş verən Şimali Tacima zəlzələsi nəticəsində mağaradakı bazalt sütunların çoxu çökmüşdür. Çökən sütunlardan yaxınlıqdakı bir kəndin evlərinin tikintisində istifadə olunmuşdur. 1926-cı ildə Kioto Universitetindən Motonori Matuyama mağaradakı bazalt süxurların maqnetik xüsusiyyətlərini kəşf etmişdir. O, buradakı araşdırmaları əsasında Yerin maqnit qütbünün dəyişdiyini bildirmişdir.[1] Bu səbəbdən Qenbudo cənuba doğru çevrilmiş maqnit sahəsinin kəşf edildiyi yer hesab olunur.[2]
Mağara Qenbudo Parkının ərazisində yerləşir. Parkda Qenbudo ilə yanaşı Seyryu, Kita Suzaku, Minami Suzaku və Byakko mağaraları da yerləşir. Qenbudo 1931-ci ildə Milli Təbiət Abidəsi elan olunmuş, 2022-ci ildə IUGS tərəfindən "Dünyanın 100 geoloji irs yeri"ndən biri seçilmişdir.[3] Mağaraya və parka aid süxur və eksponatlar yaxınlıqda yerləşən Qenbudo Muzeyində sərgilənir və mühafizə olunur.[4]
.jpg)
Vikianbarda Qenbudo ilə əlaqəli mediafayllar var. |
 |
UREYIM.AZ |  |
 |
|