 |
 |
Ureyim.az |  |
 |
Qenbudo Muzeyi (玄武洞ミュージアム, Qenbudo Myuciamu?) – Yaponiyanın Hyoqo prefekturasının Toyooka şəhərində yerləşən geologiya muzeyi. Muzey Sanin Kayqan Milli Parkının tərkib hissəsinə daxil olan Qenbudo Parkının girişində və Kinosaki onseninin yaxınlığında yerləşir.
| Qenbudo Muzeyi | |
|---|---|
 | |
 | |
| Açılış tarixi | 1972 |
| Mövzu | Qenbudo |
| Ölkə | |
| Yerləşir | Toyooka |
| Bilet | 800 ¥[1], 500 ¥[1], 400 ¥[1] |
| 35°35′20″ şm. e. 134°48′12″ ş. u.HGYO | |
| genbudo-museum.jp | |
 Vikianbarda əlaqəli mediafayllar | |
Qenbudo Muzeyi 1971-ci ildə açılmışdır.[2] 2016-cı ilin martında muzeydə yenidənqurma işləri başlamışdır. 24 mart 2018-ci ildə muzeyin yeni binası istifadəyə verilmişdir. Yeni muzey 800 milyon yenə başa gəlmişdir.[3]
Muzeyin eksteryeri heksaqonal sütunların formasında inşa olunmuşdur. Muzey kompleksi beş tikilidən ibarətdir: bu say Qenbudo Parkında yerləşən mağaraların sayını əks etdirir. Tikililərin düzülüşü də mağaraların yerləşməsinə əsasən müəyyənləşdirilmişdir. Şimalda yerləşən 2 tikili muzey kimi, cənubda yerləşən 3 tikili restoranlar və suvenir mağazaları kimi fəaliyyət göstərir. Muzeyin ümumi sahəsi 1500 m² təşkil edir.[3]
Muzeyin əsas mövzusu Qenbudo mağarasıdır. Burada müxtəlif qayalar, süxurlar, minerallar və fosillərlə yanaşı, ənənəvi Toyooka toxuculuğuna aid olan məhsullar sərgilənir. Muzeyin kolleksiyasına 4000-dən çox eksponat daxildir və onlardan 1500-ü sərgilənir.[3] Muzeyin birinci mərtəbəsi Qenbudo mağarasına həsr olunmuşdur. Burada "Tacimanın üç dağı", "Qəribə daşlar kolleksiyası" və "Yerin möcüzələri" kimi sərgi guşələri yerləşir. Birinci mərtəbədə bazalt qayaları, Sanin Kayqan Milli Parkı və burada yaşamış insanların gündəlik həyatı haqqında məlumatlar verilir, Kiryu əl işləri, Sanin sahillərində tapılmış və 7,6 metr ölçüsündə olan steqodon fosili və Sanin Kayqan Milli Parkının qayaları sərgilənir. Qəribə daşlar kolleksiyası guşəsində gülləri və peyzaj mənzərələrini xatırladan qayalar nümayiş etdirilir. Sualtı vulkan püskürməsi nəticəsində yaranmış Neodani xrizantama qayaları bu sərginin əsas mövzusudur.[4]
Muzeyin ikinci mərtəbəsi minerallar və fosillər bölmələrindən ibarətdir. Minerallar bölməsində dünyanın müxtəlif yerlərindən gətirilmiş amazonit, rodoxrozit kimi nadir minerallar nümayiş etdirilir. Burada kankan daşından hazırlanmış və özünəməxsus səsi olan musiqi alətini görmək olar. Minerallar bölməsində qaranlıqda işıq saçan minerallar üçün ayrıca guşə yaradılmışdır. Fosillər bölməsində triseratops və pterozavr fosilləri, eləcə də, Amerikada kəşf edilmiş tirannozavr skeleti sərgilənir.[4]
 |
 |
UREYIM.AZ |  |
 |
|
